Ta un “trend” cu a cuminsa lanta cabes, pero Cuerpo Policial ta trahando duro pa pone un paro mesora riba e situacion. Na momento cu Polis duna ordo pa para, tin cu cumpli cu e instruccion aki y sigui su ordo. Ta net lo contrario cu a pasa awe mainta na momento cu un motociclista a kere cu e por “get away” y no para na momento cu Polis a indica tal.
Mesora polisnan riba motorcycle a sigui su tras y no a ked’e otro opcion di para. Tur esaki a pasa riba Green Corridor na momento cu a tuma nota cu e scooter no tabatin number riba dje. Polis a bay su tras y na bushalte pariba di rotonde Mahuma el a hay’e ta para.
Por a constata cu e no tabatin ningun documento cune, no por a presenta un rijbewijs y no a keda nada otro cu deten’e y confisca e scooter.