Diabierna anochi mes Parlamento di Aruba a aproba e presupuesto, cu menos deficit, pero mas debe. Esaki tabata e tema di discusicion, cu finalmente na luga di dialuna, a tuma luga diabierna mes.
Durante henter dia tabatin reunion pa trata esaki, cu disertacion di varios minister dunando cuenta di nan ministerio.
Na final, despues di shete luna, a sa di entrega tur loke ta entrada y salida di gobierno, aprobando esaki den un forma retroactivo.
Den e caso cu presupuesto 2021 no a wordo aproba pa e siguiente gobierno, e ta pone e ministernan personalmente responsabel pa e gastonan aki.
Mirando e constelacion nobo di Parlamento di Aruba despues di e ultimo eleccion, e ministernan responsabel pa e maneho financiero di nan respectivo ministerio mes lo trata y aproba nan mesun maneho. Algo cu siguramente ta inusual y ta similar na un carnice cu ta inspecciona su mesun carni, manera e dicho ta bisa na Hulandes. Pa tal motibo desaprobacion di presupuesto 2021 tabata improbabel.
Pa mayor cobertura lesa TREMPAN di awe mainta.
