Recientemente a tuma luga un conferencia di prensa di fraccion MEP, caminda cu entre otro Setty Yarzagaray y Hendrik Tevreden a hiba palabra. Yarzagaray a cuestiona cu ainda Mike Eman ta biba den un mundo di fantasia. Eman ainda ta kere cu e ta Prome Minister di Aruba. E ta cana den pia den hende robes siendo ta hendenan cu no por yuda Aruba den ningun forma. Mike Eman ainda ta biba den un mundo di fantasia. Su trabou ta den parlamento y no na Hulanda. Ta parce cu Eman a mira Wever-Croes na Hulanda y p’esey a core bay su tras.
Eman a bay cu plan fantasma na Hulanda. A informa riba su plan pa introduci un Sociaal Cultureel Planbureau. Pero, Eman kier informa Hulanda riba un instituto cu nan tin desde 1945. E ta un instituto cu ta inventa y tin tur derecho di existencia. Setty ta cuestiona dicon tur tempo no a introduci e plan y ta warda te awo cu e ta den oposicion pa introduci e plan aki. Locual ta mas interesante ta cu, no ta for di awo. Sino di basta aña Centraal Bureau Statistiek (CBS) a haci un estudio riba pobresa na Aruba. E tempo ey, Mike Eman no tabatin pudor di publica e resultado. Entre otro na 2010 a haci estudio cu gobierno di Mike Eman no a financia. Si e tempo ey Mike Eman no a kere den CBS dicon awo si kier introduci fantasma.
Mike Eman no ta wak con despues di tres aña despues di pandemia e gobierno actual ya ta papia di un surplus y tur e añanan di gobierno di Eman, no por a papia un surplus. “Mike Eman ainda tin e pensamento cu e ta Prome Minister pero ta parlamentario e ta”, Setty Yarzagaray a finalisa bisando.
