Tabata mas of menos 10:20pm cu a pidi pa un patruya di polis na Refresqueria Lisboa net band’i Postkantoor na Playa. Ey a topa cu un auto para den verboden y cu un chauffeur burachi para cla pa subi e auto. Autoridad a ofrece e pober homber un chens, dor di permitie pa haci un yamada pa hende bin busc’e pa hib’e cas. Den bes cu e acepta e oferta unico aki, el a opta pa insulta e polisnan cu mas no tabata por.
El a bolbe haya un di dos chens pa haci un yamada, pues e polis a demostra claramente cu e no tin intencion di deten’e. Pero ni asina e homber, di habla Spaño, e sigui riba e racha di insulto contra autoridad.
E polis no a keda cu mas opcion pa detene e chauffeur mesora, cu apenas por a para riba su pia. Tambe a bay cu e yabi di su auto, un Chevrolet Spark numera A-46194.
