Pa mas o menos 10:30pm a pidi pa mas refuerso di polis na Lekker Bar & Restaurant na Palm Beach pasobra a cuminsa tira e defensornan di ley cu boter. Como 5 diferente patruya a yega pa pone ordo, pero no a topa cu e tirado di boter.
Pero parce cu tanto presencia di polis na e sitio no a cay den bon tera cerca por lo menos un cliente eyfo. El a yama e polisnan pa homosexual, cu tampoco no a cay den bon tera cerca autoridad. A detene e homber na e sitio y pone na suela, mientras a solicita pa transporte special pa por hib’e ward’i polis.
Ey e mester splica e Sub Fiscal dicon el a insulta e polisnan eherciendo nan trabou na e sitio. Ta depende di su contesta cu e lo haya un cel pa e descansa su curpa awe nochi of si lo lag’e bay descansa e curpa na cas mes.
