E tema di perdida di un yiu ta un tema sigur hopi sensitivo. Stephanie Daal, partera di Amare y secretaria di Vereniging Verloskundigen Aruba, a splica cu na Aruba nos ta haya perdida di baby (baby loss) durante aña semper.
Pero ta purba di enfoca riba e siman y e dia di conscientisacion cual ta 15 di october. Loke ta hopi importante durante di e siman di conscientisacion y e dia ta pa conscientisa pueblo y purba kita e tabu cu tin, pasobra e ta uno hopi grandi.
Door cu e ta un tabu hopi grandi hende no ta papia riba dje y ta sinti nan mes nan so. Door di e Awareness Week a purba di laga hendenan compronde cu e no ta algo cu ta pasa cu nan so, vooral pasobra cu hopi biaha hendenan no tin famia cu ta sostene.
Door cu e ta un tabu nan no ta ni conta nan famia loke a pasa cu nan. Ta bay haya cu hendenan asina por cay den un situacion depresivo.
Pesey a purba di encurasha y papia mas riba dje cu ta posibel, pa e ora pueblo, hendenan rond di e persona, cu ta pasando den e duro, sa cu nan no ta nan so.
Protocol ora di perdida di un yiu
Daal a splica cu tin cu diferencia kico ta pasando. Un miskraam por pasa te cu mas of menos 14 pa 16 siman. Esey ta algo espontaneo. E yama abortus espontaneo. Bo curpa di un manera of otro ta reject e embaraso of ta pensa tin biaha tambe cu e baby ta biniendo cu un of otro tipo di abnormalidad cu e mes a dicidi cu no kier duna e mama y tata dolor di cabes.
Pero tin por ehempel un partus inmaturus, cual ta un parto cu ta pasa rond di 19, 20 siman, y tin cu verifica kico ta pasando. Por ehempel si awa di yiu kibra na 20 siman, no por haci nada, pasobra e awa di yiu a kibra di su mes.
Protocol ta awa di yiu kibra, ta warda y purba di rek e embaraso mas tanto cu por, tanten cu e mama no haya infeccion. Si por ehempel bin cu contraccion, wak cu e boca di matriz ta bira mas chikito, ta cuminsa habri, tin remedinan pa esaki pa por purba want’e mas tanto cu ta posibel of un operacion chikito pa pone un renchi na e boca di matriz, pa purba rek’e y asina yega na 26 siman pa manda e mama afo y purba di tin un embaraso of un baby saludabel.
Pero hopi biaha e ta depende di kico ta pasando, a base di e protocol. Hopi biaha a base di cuanto siman e baby ta nace, tambe tin e protocol, si ta bir’e si of no. Tin cu corda cu Fetus Loss Awareness Week ta basa riba diferente situacion.
E parteranan ta deal hopi mas cu miskraam of partus inmaturus cu no ta biba. Pero tambe tin babynan cu ta muri di SIDS (Sudden Infant Death Syndrome). Esey ta un pediatra ta deal cu esey y tin un otro protocol.
Full e siman ta diferente topico tuma den accion of papia di dje y tambe tin tur hende cu tin nan protocol y proceso pa deal cun’e, segun Daal.
Un cifra stabil
Semper ta calcula mas tanto e prome embaraso. 77% di e prome embaraso por end up den un miskraam, cual ta un cantidad halto. Pero no ta tur ora tin cifranan concreto, pasobra tin biaha un hende ta experencia un miskraam. E ta un categoria hopi grandi y hendenan no ta papia riba dje.
Den partus inmaturus, e ta baha. E ta mas of menos 25 pa 30% pa aña cu por haya algo asina. Ta categorisa partus inmaturus un baby cu nace no ta levensvaatbaar. No por categorisa ningun di esunnan cu ta bay afo. Mayoria biaha ora nan bay afo, no tin ningun detaye mas di dje.
Un conseho
Ora cu ta na estado, semper e ta un zona shinishi. Un embaraso semper tin su consecuencianan bon y malo. Hopi biaha ora algo pasa den embaraso, e persona na estado no tin e fout kico e ta pasa aden. Por ehempel awa di yiu a kibra cu 19 siman, e no tin e culpa. E baby a nace of a haya un miskraam despues di 8 pa 10 siman, e persona no tin e culpa. Daal ta conseha su pashentnan cu asina nan sa cu nan ta na estado, bay cerca un partera. Yama, haci un cita. Si por splica e mama kico pa spera, tur cos ta bay ta menos fastioso y sa cu cualkier pregunta, por tuma contacto cu e partera pa cualkier cos. Si no tin un partera, no tin un profesional pa guia. Esey ta parti mas fastioso cu Daal ta haya ora cu un hende ta na estado, pasa den un miskraam, tin un guia. Aunke cu por ta un klompi, pero emocionalmente e por tin un efecto grandi, e ta bisa por ultimo.
