Pa por sigui brinda comunidad un bon experencia online, ta sumamente necesario pa haci un mantencion intensivo riba e website oficial di Gobierno di Corsou.
E mantencion ta tuma luga for di diabierna, 25 di november 2022 pa 10:00 pm te cu diadomingo, 27 di november 2022 pa 6:00 pm. Diadomingo, 27 di november 2022, pa 6:00 pm e website lo ta accesibel atrobe.
Esaki ta nifica cu durante e periodo menciona, www.gobiernu.cw no ta accesibel pa publico.
Den caso di publicacion di comunicado, lo continua e proceso manera ta custumbra asina cu e website ta bek online. Directorado di Comunicacion y Informacion como tambe elaboradonan di comunicacion di e Ministerionan lo soru debidamente pa e comunicado yega Prensa y mientrastanto por keda ricibi informacion riba Facebook y Instagram di Gobierno di Corsou tambe.
Pa pregunta specifico relaciona cu e periodo di mantencion di e website, por tuma contacto libremente cu Directorado di Comunicacion di Gobierno di Corsou.
