Den e ultimo añanan tras di lomba a traha duro riba e contractnan nobo p’e unidadnan aereo pa Wardacosta Caribe Hulandes. Meta di a cera e contractnan aki ta un proveedor di servicio confiabel pa Wardacosta y e unidadnan aereo moderno, ekipa cu e hermentnan tecnologico cu ta yuda den ehecucion di e tareanan di Wardacosta.
Na momento di cera e contractnan nobo, e unidadnan aereo a haya un modernisacion amplio di e medionan di comunicacion y sensor. E medionan nobo ta entre otro: e sensornan nobo, e camaranan nobo pa anochi y di dia, y otro ekipo renoba pa uza a bordo. E materialnan nobo ta masha adecua pa e accionnan di rescate riba lama y tambe e tareanan di investigacion y supervision.
E helicopternan ta procedente di e compania Bristow Helicopters Limited. Pa medio di e contract cu Bristow, Wardacosta a sigura su capacidad di vuelo cu e helicopter pa su servicionan cu dies aña. Pa loke ta trata e avionnan, Wardacosta a cera un contract cu ISR, cu ta un cooperacion entre PAL Aerospace Ltd. y e compania Hulandes Jetsupport. E contract aki tambe ta garantisa e servicio di e avionnan pa un periodo di dies aña.
Wardacosta Caribe Hulandes ta contento cu e contractnan nobo y e recursonan abordo pa ehecucion di e tareanan di Wardacosta.
