Diaranson marduga alrededor di 12:00 am a sosode un accidente cu basta daño riba e via principal di Savaneta. Ta entre Toyota Glanza y un Nissan Frontier color shinishi.
E impacto tabata fuerte, na sitio tin dos persona cu a resulta herida. Por lo menos e chauffeur di e Glanza a sali for di e windshield despues di e impacto fuerte. Ta sospecha cu pa via di un mal maniobra, e autonan lo a topa cu otro casi frontal. Con e accidente a sosode exactamente ta na e specialista di trafico di polis pa investiga.
Mirando e situacion serio, a dicidi di cera ambos band’i caminda p’asina atende libremente cu e accidente aki.
