Minister di Asuntonan Economico, Comunicacion y Desaroyo Sostenibel, mr. Geoffrey Wever, a presencia e reapertura grandioso di Mango na Caya Betico Croes. E Minister ta extende su felicitacion mas cordial na Grupo Bennu y ta gradici nan sinceramente pa nan confiansa y contribucion significante na economia di Aruba y nan inversion den e area principal di Oranjestad.
Grupo Bennu ta doño di varios otro franchise cual nan shopnan ta ubica den caya grandi, y ta mustra di tin un conocemento pa e mercado local y regional. A pesar di e retonan, asina mes nan ta mira e oportunidad pa sigui inverti. E reapertura di Mango ta un demostracion di confiansa cu ta spera pa motiva otro empresario pa reconsidera e posibilidadnan den y rond di centro di Oranjestad, cual ta den liña cu e esfuersonan di gobierno pa revitalisa e area.
Minister Wever ta expresa su gratitud pa e rol activo cu Grupo Bennu ta hunga den fomenta crecemento y renobacion economico, y ta mira padilanti pa mas desaroyo positivo den futuro cercano.
