“De Geest Overwint” ta e tema di e aña aki di e Nationale Herdenking. Diaranson, 15 di Augustus, ta net 73 aña pasa cu Hapon a capitula loke a nifica e final definitivo di e di Dos Guera Mundial. Prome Minister Mark Rutte, hunto cu secretario di estado Blokhuis, nan a pone un ofrenda floral na e monumento aki na Den Haag pa conmemora e victimanan civil y militar di e ocupacion Hapones den e colonianan Indo-Hulandes.
“De Geest Overwint”, E alma ta vence, ta un oda na e capacidad di recuperacion di henter un generacion cu ta hiba cun’e e horor di e guera largo na Asia. Un generacion pa cual e eventonan di e epoca ey cu frecuentemente ta e realidad cotidiano. Ta importante pa sigui reflexiona riba esaki tur aña, segun Rutte a bisa den un post riba Facebook, riba e dia solemne aki.
No solamente pa e respet di esnan cu a perde, sino tambe pa esnan cu ta bibo, sinti nan mes scucha. Y ta recorda nos tur cu e libertad y siguridad no ta evidente riba su mes y cu tin cu trata nan cuidadosamente, Rutte a bisa por ultimo.
