Caso serio di maltrata un biaha mas contra hende muhe. E caso serio y lamentabel aki a tuma luga na Urataca, caminda un homber abusado a maltrat’e severamente y mester a yama ambulance pa atende cu ne.
Esak a tuma luga den ora di mainta, un poco prome cu 7:30 am den un apartamento situa den cas na Urataca. E dama lo a bin pidi auxilio na e cas y asina a bati alarma mesora na autoridad.
Na yegada di polis a bin constrata cu en berdad e persona ta maltrata, cara tur na sanger y cu e agresor ta na e sitio ainda. A detene e homber inmediatamente. Na sitio no a haya confirmacion si ta trata di su pareha of no.
Ambulance a presenta y asina atende cu e victima, un rato despues a transport’e pa hospital pa tratamento medico. Mientras a pidi transporte policial pa e homber pa asina hib’e direccion warda di polis pa e duna cuenta di su acto. Na e cas, e team forensico e presenta pa e parti investigativo.
