Diaranson merdia un homber a perde su libertad. Den marduga e kier a tuma ley den su man. Marduga un di e adictonan a causa daño na su propiedad. A destrui glas di su auto. El a perde cabes y kier a causa daño na esun cu a destrui su glas di auto.
Su comportacion parce husticia a tuma masha na serio. Aunke e ta un victima den e caso aki, e forma cu el atende cu e situacion a causa cu polis a bay bek pe. Un denuncia a ser haci contra e victima.
P’esey mes polis a haya ordo di detencion. Polis a bay bek na e adres y ora a topa e victima a bise mesora cu tin denuncia contra dje. Mirando cu ta algo cu a pasa algun ora pasa caba, a detene “Buiten Heterdaad” cu ordo di fiscal.
Awendia si abo bira victima, bo mester wanta bo rabia. Bo bay lanta man of causa daño contra esun cu a causa abo daño, e chens t’ey cu bo ta bay cera. Esaki ta un ehempel bibo. E caso aki a sosode na Playa.
