Diaranson atardi e polisnan di Noord a bay atende un cas pura na Cunucu Abou. Un señora a yama polis pasobra su ex a yega su cas y ta cana den cura. Polisnan a yega papia cu e señora. E homber tabata un poco mas pariba dilanti otro cas. E ta actualmente parcialmente invalido.
Polis a papia cu ne pero e ta basta fresco. E kiermen cu e cas unda su ex ta biba ta di dje tambe. El a bin na e cas pa asina controla e apartamentonan si tur cos ta bon. Polis a atende fuerte cu ne pasobra e ta manera fresco.
E señora kiermen el a sufri hopi na su man. Cu e ex casa ta peligroso. Den pasado a maltrate y hasta kier a hinc’e. Den pasado despues cu nan a laga otro, e homber a bin kibra basta man di porta.
Finalmente polis a bolbe cerca e señora na e cas y splic’e cu nan a atende cu e homber y cu lo evita di bin molestia. Pa e momento ey e cos tabata mustra cu a calma. E señora ta basta rabia cu presencia di su ex cu a cauda hopi daño den su bida.
