Parlamento a inicia e tratamento di presupuesto 2022. Pa AVP e presupuesto aki ta uno preocupante. Tur esaki ta debi n’e consehonan di Raad van Advies y CFT. A presenta un presupuesto cu no ta bay saca Aruba fo’i e situacion cu ta den dje y e ta crea base pa mas medida.
mr. Gerlien Croes, parlamentario di AVP, a bisa esaki ta preocupante pa motibo cu por a mira e conseho di Raad van Advies y alabes e conseho di Caft riba e presupuesto aki.
A conseha pa no presenta e presupuesto aki manera e ta na Parlamento di Aruba. Mainta fraccion di AVP a habri e reunion cu e pregunta si ta bay bin nota di cambio p’e presupuesto aki. E forma con a presenta e presupuesto, a duna un conseho pa no haci esey. E contesta duna na e parlamentarionan tabata prome cu e di dos tanda lo presenta un nota di cambio, pero no a entrega esey ainda.
Pa Croes, e dos ministernan cu tabata presente, esta di Asuntonan Social, Labor, Integracion y Energia, Glenbert Croes y Husticia Rocco Tjon, a bisa cu no ta bay tin un nota di cambio den nan ministerio. Durante nan disertacion of contestacion asina mes nan a duna un otro indicacion. E ta un tiki onduidelijk. E parlamentario ta kere cu nan mes sa y ta realisando cu e presupuestonan cu nan ta presenta, no ta e presupuesto cu ta bay saca Aruba fo’i e situacion cu nos ta aden.
Pa mas lesa TREMPAN.COM.
