Recientemente e ministernan di husticia di Aruba, Curaçao, Bonaire, Sint Maarten, Sint Eustatius, Saba y Hulanda a firma un acuerdo pa traha hunto principalmente rib’e “vakbekwaamheid” di bombero di e islanan.
Esaki ta nifica cu cada post di bombero mester prepara nan ekipo pa por ta experto y keda experto den nan tereno. Den cuadro di esaki, seis bevelvoerders di Aruba a bay Corsou pa sigui e opleiding di instructor y ricibi bijscholing hunto cu seis otro bevelvoerders di Corsou mes.
Esaki a tuma luga na april ultimo, caminda tur a logra termina e curso exitosamente. Den luna di mei, tabatin un curso na Aruba di “leerwerkplek begeleiding” cual seis cuerpo di bombero di Aruba y Curaçao a sigui. Lo continua cu mas curso entrante juni, unda lo manda un grupo pa Corsou pa sigui cu e opleiding di examinado.
Asina lo completa cada puesto cu tin mester pa asina por duna les, examina y guia nos bomberonan. Ademas di e parti di e cursonan pa personal, a percura tambe pa adkiri tur e materialnan necesario pa Cuerpo di Bombero.
