Den un publicacion recien riba e pagina di Facebook di Universidad di Aruba, nan a informa cu debi na un escasez repentino di personal, e programa di Social Work and Development no lo tin registracion pa e bachelor pa aña academico 2022-2023. Segun a splica, lo reanuda registracion p’e bachelor pa studiante nobo di prome aña na mei 2023 p’e aña academico 2023-2024.
A agrega cu e universidad ta orguyoso di e calidad y e logronan di e programa di Social Work and Development y cu e departamenton lo bay enfoca e aña aki pa recluta staff nobo y renoba y reforsa e programa den colaboracion cu algun partner local, regional y internacional p’asina garantisa un programa di calidad pa studiante actual y futuro studiante.
Pa un relato mas amplio, lesa edicion di TREMPAN.
