24ora.com ta sigui bin cu campañanan pa haci usuarionan contento. E biaha aki tabatin e campaña di Download 2 Win, di cual tabata masha facil pa participa na esaki. E campaña aki di 24ora.com tabata sumamente exitoso, unda cu miles di persona a participa pasobra e premio tabata tremendo. E ganadonan di e campaña aki tabata Vanessa Wolter-Vrolijk cu a gana un iPhone X y Chantelle Lacle cu a gana un Samsung S9.
Mark Benson Denz, managing director di 24ora.com, a haci entrega di e premionan na e ganadonan, kendenan tabata feliz di nan premio. Pa por a participa den e campaña aki, di cual tabata facil pa participa na dje. Algun siman atras 24ora.com a lansa un app nobo y usuarionan mester a download esaki. Tambe e usuarionan mester a cambia nan frame di facebook mustrando cu nan tambe a download e app aki.
Chantelle Lacle ta contento di por a gana despues di a participa den e campaña di Download 2 Win. El a participa pa motibo cu e tin un telefon bieu pero tambe pasobra 24ora.com ta e social media cu e ta sigui pa haya prome kico tur ta pasando. Cu e app nobo aki, Chantelle Lacle ta ricibi notificacion y di biaha e ta bay habri nan den e app na luga di habri e notificacion den website.
Loke a motiva Vanessa Wolter-Vrolijk pa participa den e campaña di Download 2 Win, tabata pa motibo cu a yega tempo pa busca un telefon nobo y a purba su suerte. El a download e app y a cambia e frame, pero no niun momento di a bira ganado di e campaña aki. El a ricibi un notificacion riba su app y asina aki a haya sa cu e tabata un di e feliz ganadonan. E ta gradici 24ora.com di a scoge su persona como e ganado y ta feliz cu e app pasobra di biaha e ta haya e noticianan. E app di 24ora.com ta hopi mas handig cu e website, asina Vanessa Wolter-Vrolijk a expresa.
Hopi hende a download e app di 24ora.com cu ta pa android y apple, di cual hopi di nan ta haya tur notificacion. Na esunnan cu no a download e app di 24ora.com ainda, haci esaki den play store of apple store pa asina aki tin e updated app di 24ora.com. Pa ta e prome na ricibi noticianan kico ta pasando, download e app di 24ora.com y esaki ta completamente gratis.
Na Maart 2007, Mark Benson Denz a funda e website 24ora.com como e prome website di noticia na Aruba. Diariamente ta subi mas o menos 20 mil diferente usuario riba e website, cu ta bishita e website por lo menos 4 biaha y ta keda aproximadamente 3 minuut cada biaha. Pa luna, e cantidad di diferente usuario (unique users) ta surpasa 100 mil persona, di cual mayoria ta na Aruba, sigui pa Hulanda, Merca, Corsou, Colombia, Venezuela y otronan.
Den website 24ora.com ta esun mas mira compara cu tur otro. Es mas, 24ora.com ta e website si Aruba mas popular, mientras cu nos Facebook ta esun cu mas “like” y mas “engagement” na Aruba.
Headlines Group ta conta cu un ekipo di mas o menos 20 fotografo, reporteronan y redactornan, cu ta traha 24 ora pa dia pa informa di tur locual ta sosode riba nos isla.
