E carta cu Michael Williams a manda pa Ministerio Publico ta bisa cu miembronan di parlamento, sra. Xiomara Ruiz-Maduro, hunto cu Dangui Oduber y Guillfred Besaril, a entrega un demanda na Maart 2016. E aangifte a wordo entrega contra e minister di turismo, transporte y cultura e tempo ey, Otmar Oduber.
Nan tabata y nan a entrega esaki, pasobra cu nan a bisa cu tin hopi iregularidad cu nan a constata como parlamento y como politico. Awe, como minister, nan ta sinta cu e vice-minister, manera nan mes ta yam’e y nan no ta bisa nada mas. Esaki ta pasobra cu nan kier keda sinta den Cocolishi, of cu nan kier sinta riba e stoel di pueblo y cobra.
Williams a splica cu e siman aki, ta e siman pa no bisa bon siman. Ta e siman di medida. Y hustamente pa e siman di medida, Williams ta kere cu ta na su luga pa bay Ministerio Publico y mustra puebo cu Grupo 7 si ta walk nan talk, nan si ta sin miedo y nan si ta para pa husticia. Si inocentenan por a bay cera, awe tin cu para dilanti di husticia y exigi di husticia, exigi di Ministerio Publico cu trabao di husticia mester sigui. Transparente y kier tende di esnan encarga cu husticia, Hoofdofficier, kier tende si e fastball aki, e cheapshot cu nan a uza pa bay campaña cun’e, si nan tabata tin rason, of no tabata tin rason.
Contesta
Si resulta cu no tin contesta, Williams ta pensa cu entregando e documento na OM, nan lo haya contesta sigur y si no haya contesta, lo bay mas leu. Pasobra cu no lo permiti gobernantenan sinta riba e stoel, haci deshaci. Awor aki tin proyecto di dump, tin proyecto di busnan cu ta cumpra di Arubus. E cuestion di e trucknan di sushi, unda cu tin un fixed bidding, unda cu tin cu tene cuenta cu un compania. E cos aki ta premedita, pasobra ta pone esun cu ta entrega e trucknan, mester cumpra cu e estilo di baki di cobra, cerca un comerciante cu tur hende sa cu ta liga cu Otmar Oduber, cu ta hunto cun’e ora cu nan a haya tereno na Westpunt, ora cu ta hunto cun’e, ora cu a haya edificio pa traha hotel banda di aeropuerto., Hunto cun’e esun cu a haya awor aki e cuestion di trucknan di sushi.
Pakico ta bisa esaki
Ora cu bay puntra, ora cu cambia e bestek, y bo ta puntra y bo ta exigi pa nan cambia e bestek y bo mes ta mira cu e bestek ta wordo cambia, pasobra cu abo tin cos pa regla. Ora cu papia, ta papia pasobra tin documento, segun Williams. Ta papia pasobra tin documentonan y ta mustra pueblo tambe, pakico cosnan a wordo cambia pa asina ey un compania so AIS gana of haya e bidding. Ora bisa aki cu New Way Model Cobra, ta e unico cu mester cumpli cun’e, esey ta nifica caba, cu ta fixed. Esey no kiermen di destaho publico. Un destaho publico ta un bidding unda tur cos ta neutral. Aki ta mira claramente cu tin cu cumpra. Si bay cu trucknan di Hapon y sa cu ta un solo compania na Aruba, ta e compania cu ta liga cu Otmar Oduber.
Esey ta e compania cu a entrega e handbag cu e meronan den dje di Lamour, segun miembro di grupo 7, Michael Williams.
