Aunke Polisnan tey pa hiba e control, tog tin un cantidad di taxista y operadornan di tour cu ta faltando respet den e area crusero. Esaki ta net den porta di e waf crusero. Un pida area riba Welcome Plaza ta wordo usa pa asina Taxinan y Tourbusnan baha turista crusero. Prome instante Polis a permiti esaki.
Na caminda hasta a cuminsa laga vehiculo para eynan. A dicidi di no laga hende mes para riba e pida ey. Ta parti di Welcome Plaza y ta causa daño na e Plaza. E cosnan aki por a wordo evita si e MB cu mester a keda cla pa basta tempo a keda regla. Lunanan largo e team na waf crusero a cuminsa aplica cambionan positivo. Mientrastanto ta wardando pa e MB keda cla y oficialmente cu legalmente e indicacionnan por keda poni segun ley.
Caminda awor e tourbusan y taxinan ta parando mester pone Arubaanjtes. E pilarnan chikito. Polis mes ta pone algun ekipo di trabou pa evita cu e tourbusnan y taxi ta sigui subi e Welcome Plaza. Parce e multanan no ta yudando. Diaranzon mes un Tourbus T-211 di Cocolishi Tours a subi mainta riba e pida di Welcome Plaza. Djey el a sali bay y den e proceso a trapa e stoel cu tin poni riba e Plaza.
E chauffeur no a para. E Polisnan a keda pa ora e bolbe atende riba dje y cubri e gastonan. Polis di trafico mes a presenta y topa e chauffeur. Mester stop y e unico forma ta poniendo e Arubaantjes cu pa basta tempo a ser pidi. Tambe e asunto di MB tambe mester keda cla pa caba.
