Universidad di Aruba a habri su registration pa e aña academico 2020-2021

Dicon studia na Universidad di Aruba? Bo tawata sa cu nos ta duna informacion tocante nos programa ariba nos pagina di Facebook y Instagram? Bo tawata sa cu bo por inscribi ariba nos website?

Bo tawata sa cu bo por ‘speed date’ y ricibi mas informacion di Universidad di Aruba na un manera mas personal?

Si bo ta duda ainda, laga nos comparti cu bo cinco punto di importancia pa bo pensa pa studia na Aruba mes!

Nos por menciona hopi rason pa studia na Aruba y na Univerisidad di Aruba, pero pa e biaha aki nos kier enfoca riba 5 punto. Universidad di Aruba ta enfoca hopi riba e 4 puntonan aki, pasobra esey ta nos meta pa nos studiantenan :

1. Excelencia academico: Universidad di Aruba ta ofrece un programa academico bon diseña. E bienestar y exito di nos studiantenan ta hopi importante, pesey nos ta hinca hopi tempo den e programanan cu nos ta ofrece. Universidad di Aruba ta traha cu e meta pa saca e miho den cada studiante, pusha nan pa descubri nan potential y habilidadnan, cu nan mes no ta consciente cu nan tin. Asina nos ta contribui na un experiencia educacional pa bida largo. 
2. Guia personal y les interactivo: Universidad di Aruba ta basta limita pa loke ta e cantidad di studiante cu ta atende den comparacion cu Universidadnan afo. Esaki ta trece cu ne cu e klasnan ta hopi chikito y e atencion cu nos docentenan ta duna na nos studiantenan ta casi riba nivel individual. Nos meta ta pa yuda cada studiante pa yega na nan meta y haci uzo di nan maximo pontencial. 
3. Futuro lidernan: Actualmente Universidad di Aruba tin un poco mas cu 700 studiante, poco poco pero sigur nos ta creciendo den cantidad di studiante. E studiantenan di Universidad di Aruba ta desaroya nan mes pa bira futuro lider di nos dushi Aruba mañan.
4. Oportunidad Internacional: No pasobra bo ta studia na Aruba ta significa cu bo lo no por haya experiencia internacional! Universidad di Aruba ta ofrece hopi oportunidad na su studiantenan den e programa di intercambio internacional. No solamente nan por asisti na intercambio educacional den Europa y Merca, nan por tambe haci nan pasantia den exterior. 

Esaki ta e 4 puntonan cu Universidad di Aruba kier enfoca riba nan na e momentonan aki, pero ainda tin hopi otro motibo pa studia aki mes.  Pa tur bo informacion tocante e diferente estudionan, nos ta invita bo pa subi nos website ua.aw y inscribi y lesa tocante nos Unversidad.