Awe den oranan di atardi sindicatonan SEPPA, SIMAR, y SPA tabata sede di Gobierno pa sinta y papia riba e Manifiesto entrega durante e marcha teni siman pasa. Josephine Albertus di SIMAR a splica cu e reunion tabatin dos punto di agenda cual tabata Enseñansa y entrega.
“Nos ta lamenta di a purba di sinta y dialoga cu Minister di Enseñansa riba decisionnan unilateral cu ta tuma, pero e Minister ta keda para riba cu e decisionnan ta tuma caba,” Albertus a bisa.
E ariba ta nifica cu e mandatario no kier dialoga riba e cambionan sino con ta sigui cu su decisionnan. “Nos ta lamenta pasobra e ta un decision unilateral. Nos a bini e reunion pa trata di para tur cos un rato y duna e docentenan, un chens pa nan haya informacion y clarificacion pa mira con pa sigui. Pero e Minister no kier esey.”
E di dos reunion a bay miho ya cu por a papia y vocifera e disgusto y preocupacion cu e miembronan tin cu ta kita 5% di e salario. Otro siman lo sinta bek na mesa cu Gobierno. Lo tin dos tema, riba Enseñansa y e otro riba e entrega. “nos no ta bay bira wak atras mas, sino wak dilanti,” Albertus a bisa.
Presidente a bisa cu loke kier haci, ta algo cu mester bay via di GOA, manera ley ta prescribi.
A papia di reapertura di scol, di indexering, y diferente otro tema cu tin di haber cu entrega y e preocupacionnan relaciona cu e temanan ey. A avisa Gobierno tambe cu decisionnan unilateral ta haci cu e sindicato SIMAR no por sostene e maneho haci den forma unilateral.
