Un otro Arubiano ta saca cara na Merca. Aruba tin bon coredor di brommer cu ta haci tremendo papel den exterior. Un di e Arubianonan ta Courtney Wouters.
Diasabra anochi durante competencia na Orlando Speedway na Merca, Courtney a bay cu e titulo maximo. El a sali campeon den su categoria coriendo un tempo di 7.90 seconde riba e quart mile. Nos coleganan di Nitroxx Motorsports Aruba ta cubriendo e exito di varios team di Aruba cu ta participando den exterior. Mesora e team di Nitroxx ta facilita nos redaccion tambe pa asina comparti e bunita resultado di Courtney Wouters. Esaki no ta prome biaha cu Courtney Wouters ta sali campeon den su categoria.