Hopi neishi di webo di turtuga ta wordo afecta pasobra tin hende cu ta kita baricada. Na altura di Malmok mes esaki a sosode y Fundacion Turtuga Aruba ta basta rabia cu e comportacion aki.
Edith van der Wal mes tabata presente pa atende cu e situacion. Hasta presencia di Polis a wordo pidi. Turtuganan ta bolbe den e habitat caminda nan tambe a nace. Aki ta bin pone webo riba beach. E fundacion cu ta cuida e bida di turtuganan ta haya coperacion di DOW entre otro pa sera cierto zona pa evita cu vehiculo of hende ta stroba y causa daño na e neishi.
Asina mes tin hende ta kita e baricada y despues e kitamento ta causa cu hendenan ta pasa riba e neishi sea na pia of cu vehiculo. Ya caba e fundacion a manda e mensahe poco disgusta pa e comunidad pa yuda proteha nos neishinan. Si keda molestia e area aki, den futuro e turtuganan no ta bolbe pa pone webo. Ta spera cu e mensahe yega. Please no kita baricada cu ta rondona y proteha e neishi di turtuga.
