Den e ley di reparatietoeslag lo drenta entrante 1 di Juli proximo, algun cambio y algun di e cambionan aki tin efecto pa e pensionadonan cu ta cay bao di SVB, segun su director, Edwin Jacobs.
Kico ta e caso
Den e ley di reparatietoeslag, ta wordo introduci loke ta yama un evaluacion di entrada na (inkomenstoets), caminda cu ley ta bisa cu si un persona tin un entrada banda di su pensioen di SVB y ta surpasa e suma di 1107 cu ta suma di pensioen di soltero, e persona no tin derecho riba un aumento cu ta wordo duna di 25 florin. Tur persona cu tin solamente AOV como unico fuente di entrada, of nan tin un entrada adicional pero cu no ta surpasa 1107, tin derecho riba un aumento di 25 florin di reparatietoeslag, como compensacion pa e aumento di belastingnan indirecto cu ta bay drenta na vigor.
Tin cu haci pa por determina si un persona tin derecho riba e 25 florin extra aki nan, tin cu determina su e persona aki tin entrada y si e entrada cu e tin ta surpasa e suma ya menciona.
Gobierno a scoge pa no molestia e molestiadonan y laga nan mes haci e peticion, teniendo cuenta cu nos grandinan ta yega un momento cu nan por tin capacidadnan fisico y capacidad mental cu ta limita den nan den esey, a scoge pa bay haci uzo di archivonan administrativo den e sector colectivo, sector publico, pa determina si e personanan tin extra entrada y cuanto e ta y si esaki ta surpasa e limite di 1107.
Cua ta e archivonan cu ta bay wordo uza pa SVb pa determina esaki ta archivonan procedente di Departamento di Impuesto, declaracionnan di impuesto di entrada y tambe e archivo di SVb cu ta mantene pa e trahadonan den sector priva y nan sueldo den sector priva. A base di e dos archivonan principal aki, ta bay determina si un persona tin entrada adicional y si e entrada aki ta pone cu su entrada ta surpasa 1107 florin pa luna.
Den preparacion pa ehecucion di e ley aki no a keda cla completamente. Pero e ora ey den consulta cu minister di salud publico, kende ta esun encarga cu SVb, a dicidi pa no perhudica pensionado. A dicidi cu e grupo cu ya caba a identifica cu no tin derecho riba dje, no ta ricibi e aumento di 125 entante 1 di Juli, pero e grupo cu a resta si ta bay ta duna e 25 florin y den e grupo ey cu ta resta tin pensionado cu no tin derecho riba dje, pero cu ainda no a determina esey. Nan ta bay haya e 25 florin aki, pero na caminda y ta premira cu prome cu October ta keda cla, locual a wordo paga di cual e pensionado no tin derecho riba dje, lo wordo reteni riba su reparatietoeslag cu e tin derecho riba dje, te cu final di e aña aki.
Pa evita di perhudica e pensionado, den consulta cu minister, a dicidi cu lo ta pagando. Ta pagando pensioen di Juli, dia 29 di Juni y den e pensioen aki esnan cu ainda no a determina cu nan tin derecho of no, ta bay haya e 25 florin extra. Pero tin un grupo cu ya a determina caba cu no tin derecho riba dje. Dus nan no ta bay haya esaki.
Esey ta importante pa comunica esaki na comunidad. Sigur e pensionadonan cu nan mes sa cu nan tin extra entrada, pa nan tene cuenta cu nan ta bay haya e 25 florin extra aki, pero cu durante lunanan di Augustus te cu October, ora cu ta kedando cla di match e archivonan cu ta bay retene e suma aki riba e reparatietoeslag cu nan tin.
Mas den e dianan aki lo bay ta publicando den prensa e diferente derechonan cu a bin den e ley ora cu a introduci e evaluacion di entrada aki, pa motibo cu ora cu introduci e evaluacion di entrada y lo bay ta nenga un persona e reparatietoeslag, e tin cierto derechonan cu e por apela y por entrega un obhecion y despues por apela. Esey tambe lo bay ta informando comunidad, pa e pensionado sa su derechonan den caso cu tuma un decision, cu e no ta di acuerdo cun’e, e tin e derecho di prome instante, entrega un obhecion y despues e tin e derecho di por apela na corte. Esey lo ta publicando e simannan nos dilanti pa asina e pensionado ta informa.
