Dialuna marduga alrededor di 12:45 am ora cu un taxista a yega na Flamingo Apartment riba Caya Betico Croes y a ricibi un sorpresa menos bunita. E taxista ta biba eynan.
Por lo menos tres tipo a sali riba dje y punt’un arm’i candela na su frenta y puntr’e pa tur su pertenencianan. Segun e taxista, el a bisa nan: “Loco bo so ta? Bay fo’i akibanda.”
Esey tabata su declaracion na polis, no por confirma si di berdad el a bisa e hobennan cu arm’i candela e mesun palabra nan aki.
A señalanan cu a huy bay den un auto blanco chikito direccion pariba. Parce, ta trata di algun hoben cu ta frecuenta den e area di Tarabana y Dakota.
Polis a tuma tur informacion necesario y a cuminsa c’un buskeda den e area menciona. No a topa cu e trio atracado aki.
Atraco team tambe a presenta p’asina cuminsa cu e proceso investigativo, a nota si cu; tin camara di siguridad parti pafo, cu por a capta tur e movecionnan aki. E taxista aki, no ta un desconoci di husticia, hopi biaha a yeg’i deten’e pa maltrato.
