“Riba diasabra 18 di december, a keda raporta cu a detecta e prome casonan di e variante Omicron na Guadeloupe y St. Maarten. Despues di a studia e evidencia, dos caso di Omicron a keda confirma, un na Guadeloupe y e otro na St. Maarten”, asina e ministerio a duna di conoce den un comunicado di prensa diadomingo.
Ministerio di Salud Publico, Desaroyo Social y Labor (VSA), Omar Ottley, ta urgi tur persona cu no ta vacuna, considera seriamente pa haci esaki. Cu Omicron como e variante nobo di preocupacion, ministerio VSA awo a corta e tempo entre e di dos dosis di vacuna y e booster for di seis pa tres luna, cuminsando dialuna 20 di december.
