Diasabra durante oranan di mainta a sosode un accidente riba Sasaki Weg. Net yegando rotonde Sasaki e accidente a sosode. Den e accidente aki tabata tin un truck y tres V-Wagen. Cada V-Wagen tabata pertenece na un compania diferente. E accidente no tabata tin herido pero si tabata tin basta daño material. Tur cuater auto tabata bay direccion Playa. Yegando rotonde Sasaki tabata tin dos Kia V-Wagen coriendo y e truck un poco mas patras. Diripente un Chevrolet V-Wagen a hinca dilanti di e truck. E chauffeur di e truck no a spera e auto drenta asina diripente y ta dal su tras cu e truck. E impacto a causa cu e Chevrolet despues di e impacto su tras a sigui bay dal tras di e Kia blanco y e Kia Blanco a bay pega tras di esun blauw. Tur cos ta mustra cu e causante di e accidente ta e Chevrolet cora cu a hisa benta dilanti di e truck. Polisnan di trafico a ser avisa pasobra cu e chauffeur di e truck no tabata tin rijbewijs presente. E tin rijbewijs segun el a splica pero e ta na cas of den e otro auto. Papelnan tabata na ordo. E companianan di V-Wagen a presenta y asina nan a atende cu e turistanan. Un mal experiencia y susto ta loke e turistanan a pasa aden. Danki Dios no tabata un accidente asina serio.
