Sra Yau Tai Tsang Ling a fayece algun siman pasa. Prome cu su morto e tabata tin un deseo. Debi na quebrante di salud, e tabata sa cu un of otro momento e lo bay laga e mundo aki. Asina mes el a pidi su yiunan pa cumpli cu un deseo cu e tin. E deseo tabata pa haci un donacion den su nomber basa riba placa cu a ser colecta. Asina e yiu homber Calton Ling a cumpli cu su mama despues di su entiero. Famia Ling ta hopi conoci na Noord cu nan Restaurant Lings Restaurant. E tata a cuminsa e restaurant hunto cu e mama. E tata a fayece algun aña pasa y e mama a sigui tur dia den e negoshi cu su yiu homber y su casa. Despues di entiero Calton Ling a bay na Imelda Hof y haci entrega di un voucher cu un suma pa asina nan por haci bon uso di dje na un Supermercado na Noord. Na Maristela tambe a entrega un otro voucher di un suma pa un Supermercado pariba di brug. Natiuralmente den un momento asina dificil, e tipo di gestonan asina bal hopi. E empleadonan a gradici masha famia Ling di Lings Restaurant cu e gesto bunita aki cu tabata deseo di Sra Yau Tai Tsang Ling cu a fayece. Asina tambe Calton y Mindy a cumpli cu loke nan mama tabata kier.
