Segun resumen di awe 27 persona a recupera, a registra un total di 78 caso nobo di COVID-19, di cual 2 ta no-residente.
E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 887 test. E ‘Postivity rate’ entre residentenan ta 25%.
Casonan activo pa awe ta 654, cantidad di fayecido relaciona cu COVID-19 ta aumenta na 85. Palabra di forsa na famia di e fayecidonan. E cifra aki ta indica cu awe tabatin tres persona cu a fayece a consecuencia di COVID-19.
Hospital ta informa cu tin un total di 43 persona interna di cual 11 ta den Cuido Intensivo y 32 riba unidad general di COVID.
