Manera cu tabata di spera, fiscalnan a exigi bida largo pa e tres principal sospechosonan di asesinato di Peter de Vries, mas castigo temporal cu ta subi te cu 21 aña pa e dos hombernan cu a filma de Vries cu lesion grave y despues a plama e imagennan aki.
Fiscal na final di diaranson mainta a exigi bida largo contra esun cu supuestamente a tira, esta Delano G., di 24 aña. E momento ey su colega ‘moordmakelaar’ Krystian M. diripente a pidi pa bay wc un rato.
Fiscal e momento ey a rabia pasobra un rato prome Delano a haci mesun cos. E ta mira cu di e forma aki nan ta crea e impresion di indiferencia y sin sentimento, cu ta un contraste grandi cu esun di e famia cu ta biba den tristeza. Intencional of no intencional, e acusadonan a demostra un actitud cu ta conta como un peso extra pa e castigo.
Aunke cu fiscal a comenta cu bay wc e momento ey ta stroba e procedura, e presidente a dicidi pa pospone y permiti tur hende bay wc si nan tin necesidad pa esaki.
Pa relato amplio lesa TREMPAN.