Mainta trempan a drenta informacion cu tin un accidente cu hende herida den Koningstraat. Polis a bay mesora. Na yegada a topa un trahado di Post Aruba NV benta riba caminda. E tabata herida y e scooter cu e tabata parti carta cu ne tambe tabata benta riba dje.
Parce cu algo a bay robes durante su trabou. Ambulance a presenta y a atende mesora cu e victima. E tabata na tino y tabata comunica. Segun por a compronde na sitio, un cacho a sali riba dje cu a conduci na su caida abrupto.
Solamente e tabatin dolor cu tabata strob’e di por a move manera normal. Superiornan di Post tambe a presenta pa mira e situacion di nan colega.
