Diahuebs banda di 5’or di atardi, varios unidad Policial a bay pa un adres na Catiri. Aki un mucha homber menor di edad, a cuminsa lanta cu full su famia na cas.
Segun informe ya di un dia prome caba tabata tin mesun tipo di problema cu e menor di edad aki y cu hasta arma blanco tabata menciona.
Considerando tur esaki a manda polis cu cautela. Polis a yega rapidamente na e adres menciona y den un rat’i ora a logra di detene e mucha homber aki.
A pidi Transportwagen di Polis p’asina hib’e pa Warda di Polis na Playa, unda e lo tin di bay duna cuenta tocante su comportacion cu su mesun famia.
