Tin dos modelo cu ta e Nissan X-Trail Advance y Nissan X-Trail Exclusive. E autonan aki ta espacio y comodo.
Johnathan Harsveld, representante di benta na Topcar, a splica cu tin e Nissan X-Trail Advance y tin e Nissan X-Trail Exclusive. Ambos auto ta completamente diferente cu e X-Trail anterior, tambe nan ta un poco mas grandi.
E motor ta 2.5 liter, 4 cilinder y ta CVT (Continuously Variable Transmission). E X-Trail Advance ta front wheel drive, mientras e Exclusive ta all wheel drive. Harsveld a splica cu bo mes por select’e of e mes ta scoge si e auto ta core 4×2 of 4×4 por medio di su sistema inteligencia
E autonan aki a bin hopi nice y pa loke ta e parti di siguridad, esaki a bira miho. Henter auto ta traha di aluminium y ta hacie poco mas lihe tambe. Despues di hopi tempo e no lo frustia.
E X-Trail Exclusive ta bin cu luz LED, front light LED, ta ekipa cu 360 view camara cual por mira dilanti, na banda y patras dje auto. Incluso tin parking sensor dilanti como patras, size di riem ta diesocho of diesnuebe, cual ta esun cu e Exclusive ta bin cu ne.
N’e man di porta tin un boton, pero en realidad e ta un sensor. Pa unlock of lock e auto, bo ta simplemente swipe bo dede n’e sensor. E tailgate ta uno electrico. Un total di shete hende por drenta den e auto aki. E X-Trail ta un auto espacioso y comodo. E auto tin un boton cu bo ta primi y asina e ta cende, cual ta e push to start. E tin dos screen grandi cu por mira e caugenan, tambe esun na banda cu tin e camara, radio y diferente otro features.
Tin diferente color den stock aworaki cu ta blanco, plata, shinishi scur, cora, blauw y shinishi perla. Prijs di e Nissan X-Trail Advance ta 92 mil florin, mientras cu e Nissan X-Trail Exclusive shen mil florin.
Topcar ta invita pueblo di Aruba pa pasa cerca nan, test drive e X-Trail nobo y si bo gust’e, den dos of tres dia ta prepara e auto.
