Relaciona cu tiramento ayera nochi, Tisa LaSorte, Presidente y CEO di Aruba Hotel & Tourism Association (AHATA) a reacciona awe: “Nos ta aprecia e accion di polis y e detencion rapido. AHATA ta manda mensahe di profundo condolencia na famia di e victima. AHATA lo sigui den dialogo cu Cuerpo Policial Aruba (KPA) y Aruba Hospitality & Security Foundation tocante metodonan di prevencion di crimen na Aruba. Pa siguridad di nos comunidad y nos economia, prevencion ta esencial”.
Mester menciona cu e caso di asesinato awe marduga a causa hopi consternacion den comunidad. Mayoria hende tin miedo y ta teme ripiticion, den caso cu no bin accion rapidol y consiso di partik di e autoridadnan competente. Awor no ta solamente publico local y turista, sino hasta e trahadonan ta demostra nan sentido di falta di siguridad ora hobennan ta haya ta bon pa los tiro riba otro asina sin mas den areanan publico.
E reaccion di AHATA tabata hopi cortico pero directo pa ilustra e situacion preocupante cu ta reina den comunidad y nan esfuerso pa purba mitiga e consecuencia cu esaki por tin pa nos turismo. Ta di spera cu tur partner envolvi, sinta hunto y analisa con lo mester cambia e area turistico aki, pasobra si sigui organisa fiesta “ghetto” dilanti port’i hotel, ta e publico ey bo ta atrae y e tipo di consecuencianan asina ta bira inevitabel.
