Diasabra mainta na e apertura di e campeonato nacional di Taekwondo Himno y Bandra den Centro Deportivo Frans Figaroa na Noord, e scol di Tiger Taekwondo Academy a estrena nan uniform nobo un obsekio di St. Fundacion Lotto pa Deporte y su director sr. Di Stefano Wernet kendenan a haye hopi importante panos muchanan ta representa unda cu nan bay.
Un trainingspak porcierto bunita cu e logo di tanto Lotto como e emblema di Tiger Taekwondo riba dje. Algun luna atras algun atleta di Tiger Taekwondo a biaha pa Colombia y pa prome biaha nan a estrena e uniform. Na e campeonato nacional di diasabra ultimo, henter e ekipo di Tiger Taekwondo Academy tabata tin nan uniform bisti cual sigur tabata uno hopi bunita pa mira. Un uniform semper ta mustra representativo, e ta un respet pa e deporte. Lotto un bes mas ta felicta sr. Teo Rodriguez y Tiger Taekwondo Academy cu nan set di uniform nobo. Awo en adelante cada competencia e atletanan di Tiger Taekwondo por bay den forma representativo na cualkier evento di taekwondo. Coach Teo Rodriguez di Tiger Taekwondo Academy a probecha di e oportunidad di gradeci St. Fundacion Lotto pa Deporte y sr. Di Stefano Wernet pa e aporte duna na su atletanan y tambe a tuma un potret cu presencia di Su Excelencia Minister di Salubridad, Tourismo y Deporte, Sr. Dangui Oduber.
