“Como empresa nos ta kere cu nos mester duna algo bek na comunidad, na grandi of chikito,” Devin de Veer, di e empresa di The Movies, a bisa dilanti un klas na Filomena College.
Su speech tabata pa sorprende un mucha homber cu a demostra cualidadnan di un bon ciudadano ya na un edad asina hoben.
Tur cos a cuminsa na momento cu un meneer a post un bunita filmacion riba Facebook di un mucha homber relativamente jong. E hobencito aki despues di jouvert, den oranan tempran di mainta tabata riba pia ta yudando piki sushi banda di caminda.
Esaki siendo cu e no tin ningun obligacion di haci esaki.
Mirando e bunita accion di e hobencito aki, The Movies a dicidi di dun’e un regalito, ya cu loke el a haci un bon acto cu cual nan ta spera cu no solamente el a inspira muchanan di su edad y adultonan. “Loke cu el a haci ta algo di admira,” De Veer a bisa.
Meta Corp ta kere cu Adriaan su acto ta ehempel di algo cu cualkier ciudadano por haci, como un aporte na e comunidad den cual nos ta biba. “E ta haci un diferencia, no ta importa bo edad ni kico bo haci, un tiki cu bo haci pa comunidad ta haci e diferencia.”