Diferente actividad di e studiantenan pa Polis a yega di tuma luga riba nos Isla, pero klas N4-2019 a bin cu algo nobo. Pa prome biaha ta organisa un 6K Blue Line Walk / Run caminda e comunidad en general por forma parti di dje.
Despues di hopi preparacion y entusiasmo di parti e studiantenan, e dia ta acercando y un recortatoria/invitacion ta bay na un y tur pa sostene y/o forma parti di e actividad aki. Diasabra 29 di februari saliendo for di Parkinglot di Ritz Carlton na Palm Beach Noord. Ta informa tur participante cu pa 5:00PM lo cuminsa cu e registracion.
Adicional lo tin un “warmup session” cu Zumba pa tur presente. E walk/Run lo inicia 6:00PM saliendo for di e parkinglot di Ritz Carlton direccion Arashi y finalisa na e mes un sitio di inicio. Riba ruta lo tin diferente post cu awa pa hidrata tur participante, cual ta un colaboracion di Community Footprint pa cu e actividad.
Na final tin fruta disponibel na participantenan cu ta desea, como tambe lo tin chens di gana premio. Un apelacion ta bay na participantenan pa acudi na e evento bisti na shirt blauw, cual ta un peticion special di e alumnonan y pa bin cu nan propio boter di awa si nan ta desea.
Na e comunidad cu ainda ta desea di forma parti di e evento aki, esaki ta posibel. Por tuma contacto na telefon 564-7523 of 566-6013, por pasa tambe na scol di polis (E.Y. Watty Vos) na San Nicolas y cumpra ticket na balor di Fl.20,=
