Lider di fraccion di MEP, Hendrik Tevreden di 670 voto ta rabia cu e echo cu mr. drs. Arthur Dowers di AVP a yama Minister Xiomara Maduro pa un bestia.
E parlamentario di e fraccion geel ta cuestiona cu Dowers via un programa di radio a categorisa e discurso di Minister Maduro cu a hiba na Hulanda como uno di bestia. Manera ta conoci, Minister Xiomara Maduro prome cu a bay wak Eiffel Toren na Paris, tabata na Hulanda pa un biahe di trabou.
Durante su bishita na Hulanda el a hiba palabra durante e evento di Genootschap Nederland-Aruba. E mandatario a hiba un discurso masha fuerte den direccion di gobierno Hulandes. Maduro ta sinti cu di un forma colonial, Hulanda a straf nos cu un asina yama ‘strafrente’ p’e financiamento di e debe cu Aruba tin cu Hulanda.
Aunke cu Aruba a bay di acuerdo e tempo ey cu e condicionnan cu Hulanda a propone, awo despues di dos aña Gobierno di Aruba ta cuestiona e condicionnan cu nan mes a firma.
En fin, no obstante e discurso cu Maduro a hiba na Aruba. Tevreden ta sinti cu no ta duna Dowers a motibo pa yama su minister como bestia, no obstante e diferencia di opinion cu bo por tin como politico.
P’esey ta pidi Dowers pa e duna un disculpa publico na na Minister Xiomara Maduro. No ta forma di yama un dama y alabes minister di pais Aruba pa un “bestia”.
