Diadomingo atardi polis a bay pura den direccion di Calabas. Un adres conoci unda hende ta biba sin coriente. A drenta informacion cu tin pelea cu machete. Na yegada di polis a cuminsa scucha e partidonan envolvi. Parce un persona ta encarga cu e control di meter di awa.
E casnan of e apartamentonan traha eynan pa mas cu un aña of dos aña ta sin coriente. Loke nan tin ta awa y basa riba esey ta controla e consumo. A yega na un di e apartamentonan y a bin topa cu un famia kedando eynan. Nan lo tin cuenta atrasa y ora cu a haya ordo pa cera meter di awa e problema a start.
Segun declaracion di esnan den e cas of trailer, e persona den nan discusion a saca machete. Polis a dicidi di bay over na detencion pa menasa. Testigonan eybanda ta bisa cu ningun momento tabata tin sacamento di machete. Ademas e famia cu tin cuenta di atrasa no ta serio cu nan comportacion. A pidi pa e vehiculo di transporte y a hiba e homber warda cu mannan geboei. Eynan e proceso di interogacion y tambe declaracion di testigonan ta e rason pa finalmente subfiscal tuma un decision. No a mira cu polis a confisca machete.
