Diadomingo den dia polis a persigui un auto cu a nenga di stop pa un control. Un dama tabata stuur. Polisnan di Santa Cruz a topa cu e auto na Coba Lodo. E auto tabata sin number dilanti y sin number patras. E chauffeur femenino a trottle e auto cuminsa bay laga polis. Cu sirene y lus blauw a cuminsa persigui e dama.
Un persecusion cu basta peliger riba caya y cu a bin termina te banda di Brazil casi na San Nicolas. A logra detene e dama. E auto sin documento y e dama sin rijbewijs. Un chauffeur cu no tin rijbewijs ta subi caminda cu un auto sin number. Ta trek pleister mester bo ta pa polis. E auto a ser tuma den beslag despues di e detencion.
Ademas di multa pa falta di rijbewijs y documentonan di e auto, e por haya multa tambe pa un serie di otro cos manera coremento iresponsabel. Finalmente e cos mas importante ta cu e persecusion a caba sin desgracia cu hende herida.
