Tres miembro di famia Dirksz y Danje ta bon sin Coronavirus. Nan a bay test diabierna den careda di 10or di mainta y diasabra durante dia a ricibi e bon noticia cu nan test ta negativo pa Coronavirus.
E ta un Super bon noticia den un momento di tristeza y tambe dolor cu perdida di nan ser keri Moti Dañe. Cornelia Dirksz mes a splica cu e resultado a trece tambe un alivio pe. E no ta malo y no ta sinti malo tampoco. Mas bien su dolor ta perdida di su yiu Moti.
Moti no ta biba den e cas hunto cu e famia. E ta biba su so den un cuarto patras di cas den cura. Eytras ademas di cana den Barrio, e ta pasa su dia bou e mata di mango patras di cas. E ta biba riba su mes y tin frigidaire, awa, y ta prepara su mesun cosnan tur dia.
E ta zelfstandig. Berdad e ta cana den barrio. Te ainda den cas y den comunidad tin un duda riba e resultado di e test di Moti Danje. Den algun ora ya caba a duna resultado di e test. Un dia despues den otro conferencia ta bisa cu ta dura 24 ora of mas pa haya resultado. Tur biaha ta tene nan mes na privacidad di persona pero aki si no a tene cuenta cu esaki y ta los e informacion den conferencia di prensa riba e victima specifico aki.
Cornelia Dirksz a splica cu e dianan cu ta bin lo tende riba e cremacion y ora cu esaki tuma lugar e lo haya e restonan. Asina cu cos normalisa e lo hiba esaki den Santana na Santa Cruz pa asina e haya un lugar den un kelder.
