Diasabra anochi a sosode un accidente basta fuerte riba e caminda di Sabana Liber pa Noord. Un auto cu ta entrega Pizza tabata bay direccion pabou.
Yegando brug di Madushi un van chikito a sali for di e caminda banda di Veterinario. E chauffeur kier a crusa di un banda pa otro subi brug di Madushi. E no a mira bon cu tin auto ta biniendo na su man robes.
Ora el a Sali e chauffeur di e auto di entrega Pizza a lastra un brake pero asina mes a bay dal den e van. Dos persona tabata tin den e van y ambos a Sali ileso. E persona cu ta entrega Pizza tambe tabata mustra ok. Airbag di su auto a Sali y esey lo a yuda den e impacto. Polisnan di Noord a haci investigacion y tambe Polis di trafico. Takelwagen tabata necesario pa asina move e autonan for di caminda.
