Diadomingo, pa mas of menos 3:45 am, polis a bay na altura di Cas Casuela na Tanki Leendert pa un accidente cu a sosode net su dilanti
Ta trata aki di un Chevrolet shinishi, numera A-73357 cu tabata bin for di e rotonde direccion Playa, ora cu un Daihatsu colo blanco a subi caminda, sin duna e Chevrolet preferencia.
Chauffeur di e Chevrolet no por a haci mucho cos y a dal e Daihatsu tur cu tin, cu a bay para tun tiki mas pazuid di caminda.
E Daihatsu, numera A-4782, debi n’e impacto fuerte, a bira bay dal contra un Toyota Yaris numera A-4782, staciona na band’i caminda, pa mala suerte di e chauffeur.
Afortunadamente ningun hende no a resulta herida, sinembargo daño material tabata considerabel.
Polis n’e sitio a tuma tur dato di esunnan envolvi pa asina por traha nan rapport.
