Diadomingo mainta trempan a drenta informacion di un accidente cu a tuma luga net na un birada skerpi rib’e caminda di Zeewijk, caminda cu un Toyota Tercel colo shinishi, di un manera of otro, a perde control y a cay den rooi, cu e consecuencia cu un pasahero a keda pega bao auto.
Materialenwagen di bombero a sali di biaha p’asina libera e pasahero, un hende muhe, fo’i su pena.
A pidi presencia di ambulance pa asina duna e pasahero femenino asistencia paramedico. Despues di esey a opta pa transport’e pa hospital, pa asina e haya tratamento medico mas avansa.