Diaranson atardi laat un otro grupo di studiante a biaha pa Hulanda. Mescos cu e dia anterior, e tabata momentonan di alegria pero toch cu un toke di tristeza.
E hobennan tabata mustra contento di a yega asina leu cu nan ta bay cuminsa cu nan estudio avanza, cu e deseo di pone den practica e profesion cu nan kier eherce den nan bida.Mayornan a mustra di ta sinti un orguyo grandi, apesar di e separacion, cu e yiunan a yega asina leu. “Nos ta orguyoso di bo,” un mayor emociona a expresa prome cu el a duna su yiu muhe sunchi di despedida.
Tin hoben a expresa sentimento mixto di un alegria di un fase nobo den bida pero toch leu di nan famia, cu ta algo nobo pa mayorianan, e prome separacion largo. Hopi a camufla e emocion tristo cu un harimento sin fin. Y e abrasonan emocional di despedida no tabata falta cerca algun, hasta cerca amigonan cu a keda atras, kendenan nunca a pensa cu hasta algun lagrima lo cay.
