Recientemente a tuma luga apertura di Straddle It Saloon, unda antes tabata Mi Dudu Bar & Restaurant na Moko 10-D, entre Moko y Catiri. Segun Inessa Hansen, propietario di e luga, e concepto ta pa hende bin y pasa bon. Aki ta caminda e diversion ta.
Bo por bin y chill, bebe cerbes, disfruta di e bahada di solo y e bista espectacular. E no ta necesariamente un bar pa biker, pero un luga pa tur hende bin, tanto local como turista, bin pa un ora, pero keda henter dia.
Hansen a sigui splica cu no solamente nan ta bebe cerbes. Parti ariba nan tin full un bar cu un menu completo, cu un seleccion extraordinario di dessert. Parti abao nan tin un minibar, cu cerbes y un menu di appetizer.
E idea a cuminsa originalmente di un compania cu Hansen tin na Merca cu yama One Sexy Chick. Hansen y su casa ambos ta biker y nan compania ta bende paña pa tanto hende homber y hende muhe.
Un di e dichonan cu e pareha tin ta ‘If I Straddle than it’s mine’. Na momento cu nan a mira e luga, ya nan a haya su nomber, cual ta ‘Straddle It Saloon’.
Balashi ta un di e sponsornan di e luga. Hansen ta gradici nan masha hopi. No solamente nan a duna nan borchi, sino tambe nan a yuda contribui na e softopening.
Inessa Hansen ta invita un y tur pa asina tira un bista riba nan menu. E ta uno Americano pero cu un toke Caribense. E bebidanan ta tremendo y tur hende tin un sonrisa riba nan cara. Pa loke ta e prijsnan, nan ta hopi rasonabel. Asina ta, bin bishita Straddle It Saloon y experencia un ambiente diferente cu un bista espectacular.
