Stichting Monumentenfonds a tene un reunion cu diferente instancia pa asina presenta nan programa di henter aña. E aña aki ta celebra e dos shen aña di Oranjestad.
Anne Witsenburg, director di Stichting Monumentenfonds, a splica cu nan ta den fase di brainstorm ainda. Pa awo nan tin dos evento planea pa dia 24 di augustus di e aña aki. E prome ta un evento un tiki mas serio, cual ta uno protocolario.
Aki nan ta celebra e dos shen aña di Oranjestad y despues ta bin un mercado, unda cu tin hopi stage cu scavenger hunt na Playa mes. Aki un y tur por participa y disfruta di Oranjestad, di cuminda y cultura.
E director a indica cu nan ta contento cu tur cos ta bayendo bon y cu hopi hende a meld pa por tabata presente. A conta cu presencia di comerciante, organisacion di gobierno, departamento di gobierno, otro organisacion.
Segun Witsenburg, hunto nan por enfoca riba algo grandi pa Aruba. Despues di e dos eventonan aki nan no lo stop, pasobra durante henter aña nan lo bay tin actividad.
Pa mas lesa TREMPAN.COM.
