Aruba Airport Authority N.V. (AAA) a brinda un desayuno na empleadonan di Southwest Airlines na honor di nan di 5 aniversario brindando servicio ida y buelta pa Aruba. Tabata 1 di Juli 2014 cu Southwest Airlines a lansa su prome buelo inaugural for di Baltimore (BWI) pa Aruba. Cu e buelo aki Aeropuerto di Aruba a keda habri pa e posibilidadnan di coneccion cu otro destinacion y mercado na Merca.
Southwest Airlines a marca historia dia 7 di Maart 2015 ora nan a lansa nan prome buelo internacional for di Houston-Hobby Airport (HOU) pa Aruba. Servicio actual pa HOU ta 1 biaha pa siman riba diasabra. Como parti di Southwest su plannan di network, e buelonan BWI-AUA y MCO-AUA a aumenta pa buelonan diario.
Actualmente Southwest ta opera buelonan diario non-stop for di Baltimore/Washington International Thurgood Marshall Airport y Fort Lauderdale-Hollywood International Airport (FLL) y tambe servicio temporal for di Houston William P. Hobby Airport pa Aeropuerto Internacional Reina Beatrix (AUA). Durante e ultimo 5 añanan, Southwest Airlines no a solamente establece un trafico di punta pa punta exitoso, pero a haci posibel tambe pa hopi pasahero internacional haci uzo di nan servicio popular pa yega Aruba.
“Den 2018 nos partner aereo valioso a brinda e oportunidad na 84.849 pasahero pa biaha pa y for di Aruba. Di comienso di aña pa Mei 2019 nos partner confiabel a transporta casi 35.000 pasahero cu un tendencia creciendo. Cinco Aña a pasa caba haciendo e relacion mas fuerte entre e aerolinea y Aeropuerto di Aruba. Nos ta ansioso pa sigui re-enforsa y sigui desaroya e partnership cu na final di dia lo beneficia nos pasaheronan y e destinacion. Di parti di AAA, mi ta sinti mi honra pa felicita e ekipo di Southwest Airlines riba ocashon di nan 5 aniversario brindando servicio pa Aruba. Nos ta ansioso pa sigui traha di serca hunto den e añanan nos dilanti pa logra e obhetivonan en comun. Nos ta agradecido na e ekipo di Southwest y ta encurasha nan pa sigui brinda e bon servicio na nos pasaheronan. Pabien!” asina AAA su Air Service Development Manager, Jo-Anne Meaux-Arends a bisa.
Southwest su modelo low-cost exitoso ta posibel door di ta un aerolinea hopi productivo, confiabel y eficiente. Tur combina, ta haci nan “point-to-point route system”, buelonan frecuente, seleccion cuidadoso di aeropuerto, un solo tipo di avion, utilisacion halto di assets, conservacion di fuel y programanan di hedging cu productividad halto di cada empleado ta produci un operacion hopi safe, eficiente y “cost-effective” cu ta sirbi como e fundeshi di e business model y manehado principal di e aerolinea su di 45 aña consecutivo di exito.
