Dialuna atardi alrededor di 6:00 pm polis a presenta na Centro di Bario di Dakota p’un caso di destruccion. A comete destruccion na un auto staciona den Centro di Bario Dakota. Na yegada, polis a tuma tur informacion necesario for di e doño di e auto.
El a menciona dos nomber cu posiblemente a destrui e auto. Un rato despues polis a topa cu e dos sospechosonan aki den un cura di cas den Pindastraat. A detene nan mesora pa bou sospecho di destruccion. A transporta ambos pa warda di polis caminda e proceso di interogacion lo inicia.
Polis a papia fuerte cu e dos sospechosonan aki, ambos a compronde e motibo dicon polis a atende cu nan asina. Nan no a argumenta y a subi e vehiculo di polis sin comenta nada.